Moskva diyarının qubernatoru Andrey Vorobyev Şirəliyeva Nərmin Oqtay qızını Mədəniyyət naziri təyin edib.
Publika.az Rusiya mətbuatına istinadən xəbər verir ki, O, məlumatı region hökumətinin iclasında səsləndirib: “Moskva diyarının icra hakimiyyətində dəyişiklik var. Mədəniyyət naziri postuna Nərmin Şirəliyevanı təyin etmişəm”.
Nərmin Şirəliyeva 2013-cü ildən Moskva qubernatorunun administrasiyasında çalışıb. Onun fəaliyyəti dövründə əyalətdə bir sıra mədəniyyət tədbirləri və layihələr həyata keçirilib.
Xatırladaq ki, N.Şirəliyeva Moskva Dövlət Beynəlxalq Münasibətlər İnstitutunu bitirib, müxtəlif kütləvi informasiya vasitələrində çalışıb. İngilis və fransız dillərində sərbəst danışır.
