Moskvadan Bakıya gəlmək üçün Atatürk Hava limanının Beynəlxalq Terminalında gözləyən Rusiya vətəndaşı olan azərbaycanlı sərnişin terminalın qapısını sındırıb.
Müstəqil.az Türkiyə KİV-inə istinadən xəbər verir ki, terminalın 220 nömrəli qapısına gələn Elşad Hüseynzadə (45 yaş) adlı sərnişin 502 saylı qapıya yaxınlaşanda gecikdiyini bilib.
Bundan sonra sərnişin qapını təpikləyərək açmağa nail olub. O, təyyarəyə doğru qaçmağa başlayıb. Hüseynzadə polislər tərəfindən saxlanılıb.
Sərnişin hava limanındakı polis məntəqəsinə aparılaraq ifadəsi alınıb. İçkili olduğu deyilən Hüseynzadə sərbəst buraxılıb.
