Bakı şəhəri, Binəqədi rayonunda yerləşən yaşayış binasında dəhşətli partlayış olub.
“Qafqazinfo” xəbər verir ki, partlayış çoxmərtəbəli binanın sonuncu mərtəbəsində baş verib. Partlayış zamanı zərbənin gücündən 18-ci mərtəbədə yaşayan şəxs pəncərədən yerə düşərək ölüb.
Hadisə ilə əlaqədar yollarda hərəkət məhdudlaşdırılıb.
***
Bu gün saat 16:00 radələrində Binəqədi rayonu S.Məmmədova küçəsində hündürmərtəbəli yaşayış binasının sonuncu mərtəbəsində partlayış olması ilə bağlı polisə məlumat daxil olub.
DİN-in mətbuat xidmətindən “Qafqazinfo”ya bildirilib ki, polis aidiyyəti dövlət qurumlarının əməkdaşları ilə birgə hadisə yerinə cəlb edilib.
Təhlükəsizlik tədbirləri görülür.
İlkin məlumata görə, hadisə nəticəsində bir nəfərin öldüyü bildirilir.
Nizam Rzayev
***
TƏBİB-dən bildirilib ki, hadisə yerinə TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasının 5 briqadası cəlb olunub.
Hazırda 2 nəfər təxliyyə olunur.
