III Maliyyə və İnvestisiya Forumu (FIF2022) “Gələcək üçün yenilən” şüarı ilə 16 noyabr 2022-ci il tarixində “Baku Marriott Hotel Boulevard” hotelində keçiləcək.
“Facemark” MMC-nin təşkilatçısı olduğu III Maliyyə və İnvestisiya Forumu ölkəmizin aparıcı şirkətlərinin dəstəyi və iştirakı ilə baş tutacaq. Forumun əsas məqsədi ölkəmizdə innovasiyayönümlü iqtisadiyyatın inkişafının genişləndirilməsi, bu sahənin hüquqi və infrastruktur bazasının beynəlxalq tələblərə uyğunlaşdırılması və maarifləndirmə prosesindən ibarətdir.
Ölkəmizin aparıcı şirkətlərinin dəstəyi və iştirakı ilə baş tutacaq forumun əsas məqsədi ölkəmizdə innovasiyayönümlü iqtisadiyyatın inkişafının genişləndirilməsi, bu sahənin hüquqi və infrastruktur bazasının beynəlxalq tələblərə uyğunlaşdırılması və maarifləndirmə prosesindən ibarətdir.
Bu il 3-cü dəfə keçiriləcək Maliyyə və İnvestisiya Forumu (FIF2022) dünyada və regionda yaranmış yeni iqtisadi, maliyyə, investisiya imkanları və rəqabətcil bazarı gözləyən yeni fürsətlərin müzakirə ediləcəyi bir platforma kimi çıxış edəcək. Maliyyə və investisiya sahəsində çalışan peşəkar və təcrübəli mütəxəssislər spiker qismində çıxış edərək gələcəyin iqtisadiyyatı üzrə mövzuların müzakirəsini aparacaqlar.
Gələcəyə hazırlıq bu gündən başlayır. Hər bir gələcək uğur isə dəyişiklikdən və yenilənmədən keçir. İqtisadi inkişaf naminə yeni məqsəd və hədəflər müəyyən olunmalıdır. Azərbaycanda yaranan yeni iqtisadi-siyasi şərait regiona yeni maliyyə resurslarını – xarici bankları, investisiya şirkətlərini, yeni ticarət-nəqliyyat partnyorlarını regiona cəlb etmək və yeni infrastruktur yaratmaqla iqtisadi fürsətləri dəyərləndirməyə yol açır. Eyni zamanda dünyada baş verən proseslər zəminində dəyişən mövcud reallıqlar və yanaşmalar da yeni iqtisadi mərhələyə keçidin vacibliyini sübut edir.
