“Belə bir uğurun əldə edilməsi bizim üçün stimuldur. Çalışacağıq ki, bundan sonra da informasiya keyfiyyətini daha da artıraq”.
Oxu.Az xəbər verir ki, bu fikirləri Baku TV-nin rəhbəri Ramin Cəfərov “Global Media Group” MMC-yə IMS sertifikatlarının təqdimat mərasimində çıxışı zamanı deyib.
O, “Global Media Group” rəhbərliyinə yaradılan şərait üçün dərin təşəkkürünü bildirib:
“Baku TV hər zaman televiziya məkanında öz üslubu ilə seçilib. Bundan sonra da siz daha maraqlı, fərqli Baku TV izləyəcəksiniz. Hər bir sahədə bizim komandamız sınaqlardan layiqincə keçir və keçməyə də hazırdır. Bizim komandamız peşəkarlardan ibarətdir və onun gücünə inanıram. Kollektivimiz çox böyük olmasa da, mən əməkdaşlarımızın potensialına, nəyə qadir olduqlarına şahidəm”.
Könül Cəfərli
