“Beynəlxalq Ədalət Məhkəməsi Ermənistanın yalanlarını ifşa etməkdə davam edir”.
“Qafqazinfo” xəbər verir ki, bunu Azərbaycan Xarici İşlər Nazirliyinin Mətbuat xidmət idarəsinin rəisi Ayxan Hacızadə tviter hesabında yazıb.
“Beynəlxalq Ədalət Məhkəməsinin qərarı bir daha təsdiq edir ki, Ermənistanın Azərbaycanı sərhədçiləri Laçın sərhəd keçid məntəqəsindən və yoldan çıxarmaq tələbi yekdilliklə rədd edilib”, – deyə paylaşımda qeyd edib.
Qeyd edək ki, Beynəlxalq Ədalət Məhkəməsi 6 iyulda qəbul etdiyi qərarla Ermənistanın Azərbaycana qarşı iddiasını rədd edib. Məhkəmə Ermənistanın Azərbaycana qarşı 22 fevral 2023-cü il tarixli iddiasını əsasısız sayıb.
