Macarıstanın nümayəndəsi Çaba Körösi çərşənbə axşamı Nyu-Yorkda açılacaq BMT Baş Assambleyasının 77-ci sessiyasının sədri kimi and içib.
“Qafqazinfo” xəbər verir ki, bu barədə TASS məlumat yayıb.
Körösi BMT-nin maraqlarına və Nizamnaməsinə uyğun olaraq, “heç bir kənar mənbədən təlimat almadan” öz vəzifələrini yerinə yetirəcəyinə söz verib. Bunun ardınca bayrağın dəyişdirilməsi mərasimi baş tutub, nəticədə sədrlik vəzifələri Maldiv adaları nümayəndəsi Abdulla Şahiddən Körösiyə keçib.
Qeyd edək ki, çərşənbə axşamı Nyu-Yorkda BMT Baş Assambleyasının 77-ci sessiyası işə başlayır.
