Böyük Britaniyanın Hempşir və Ayl-of-Uayt qraflıqlarında suvarma üçün şlanqlardan istifadəyə müvəqqəti qadağa tətbiq edilib. Buna səbəb anomal istilərin yaratdığı quraqlığa görə suya qənaət etməkdir.
Bu barədə qərar “Southern Water” kommunal şirkətinin press-relizində elan edilib.
Bağları sulamaq və ya avtomobilləri yumaq üçün su şlanqlarından istifadə müvəqqəti olaraq qadağan ediləcək. “Bəzək gölməçələri və hovuzlar da doldurulmamalıdır”, – deyə sənəddə ayrıca qeyd edilir.
Böyük Britaniyada keçən həftə temperatur rekord həddi ötüb. Belə ki, çərşənbə axşamı havanın temperaturu 38,7 dərəcə rekordunu qıraraq 40,3 dərəcəyə çatıb.
Mənbə: MK.ru
