Müstəqil.Az şairə ÜLFƏT ZİYAFƏTQIZININ yeni şeirlərini təqdim edir:
Can verən dəniz quşuyam
Mən buludların
göydən yerə çırpılan
qupquru göz yaşıyam..
Torpaq neyləyir
qurumuş yağışları?
Balıqçı torlarına
qanadları ilişib can verən
dəniz quşuyam…
Əslində balıqçı da
balıq gözləyirdi,
neyləsin indi məni?…
Onun nəyinə lazım
mənim azadlıq savaşlarım,
Gücsüz çırpınışlarım?..
Yaşam mübarizəsində
qırılıb qanadlarım…
Qalaqlanıb hirslərim,
Həyata inadlarım..
“Bəxtinizi bir daha
sınayın”da pozulubdu andlarım…
Necə sənə vəd edim
rəngbərəng xoşbəxtliyi?…
Necə sənlə əhd edim
məndəki Ülfətliyi?..
Bitdi ömrün pay verdiyi
ayım, günüm…
Gedirəm mən,
salamat qal, sevgili…
Səhərədək yandı içim
