Polşa vətəndaşlarına Ukraynada qalmaq, işləmək və bizneslə məşğul olmaq hüququ verilib.
Müstəqil.Az xarici KİV-ə istinadən xəbər verir ki, Ukrayna parlamenti ölkədəki Polşa vətəndaşlarına “xüsusi hüquqi status” verilməsini nəzərdə tutan qanun layihəsini qəbul edib.
Beləliklə, Polşa vətəndaşları 18 ay müddətində Ukraynada qanuni olaraq qala, işlə, bizneslə məşğul ola və təhsil ala biləcəklər.
Bu hüquqlardan əlavə, Ukraynadakı polyaklar müalicə və müəyyən sosial müavinətlərdən istifadə edə bilərlər.
Mənbə:“Qafqazinfo”
