Azərbaycanın Xarici İşlər Nazirliyi bu gün baş verən helikopter qəzasına görə Gürcüstana başsağlığı verib.
“Qafqazinfo” xəbər verir ki, bu haqda xarici işlər naziri Ceyhun Bayramov tviterdə paylaşım edib.
“Gürcüstanın Qudauri kurort bölgəsində sərhəd polisi helikopterinin qəzaya uğraması xəbəri bizi çox kədərləndirdi. Biz həlak olanların ailələrinə və dost Gürcüstan xalqına dərin hüznlə başsağlığı veririk. Azərbaycan bu çətin gündə Gürcüstanın yanındadır”, – paylaşımda qeyd olunub.
