Türkiyədə aparılan bir araşdırmada cinsi gücü artıran, eyni zamanda bir çox sağlamlıq problemlərinə faydalı olacaq qəhvə kəşf edilib.
Türkiyənin Qayseri şəhərində turizm və otelçilik liseyində aparılan layihə üçün əl qabiliyyəti yarışmasına qatılan bir şagirdin qəhvəsi böyük marağa səbəb olub.
Müstəqil.Az ailem.az-a istinadən bildirir ki, həmin yarışçının hazırladığı keçibuynuzu qəhvəsinin birdən çox faydası olduğu ortaya çıxıb. Qəhvənin faydalarından ən diqqət çəkəni cinsi gücü artırması və cinsi istəksizlik problemlərinə kömək etməsidir.
Eyni zamanda qəhvənin baş ağrılarına, allergiyaya, astma, bronxit, xərçəng və uşaq iflici kimi bir çox xəstəliyə qarşı təsirli olduğu bildirilib.
Keçibuynuzu qəhvəsi hüceyrələri də təzələyir. Protein səviyyəsi və qida dəyərinin də çox olması səbəbilə insan orqanizmində olan hüceyrələrin yenilənməsində də faydalı olduğu qeyd edilir.
Mənbə: Milli.Az
