Dünya məşhurlarının avtomobilləri… — Qiymət + Fotolar

Məşhurlar təkcə fəaliyyət sahələri ilə deyil, həm də evləri, avtomobilləri ilə tez-tez gündəmə gəlirlər. Bu sırada dünyaca məşhur insanlar daha böyük yer tutur.

“Qafqazinfo” xarici mətbuata istinadən həmin məşhurların avtomobillərini təqdim edir:

Stephen Fry – Bentley Continental GT, EST. 150 000 funt-sterlinq

İstedadlı aktyor və gülüş ustası Stephen Fry məşhur “Jeeves and Wooster”, “A Bit of Fry & Laurie” komediya filmlərində rol alıb. 

Stivenin avtomobillər baxımından dəbdəbəli seçimləri var. Onun Bentleyinin dəyəri 150 000 funt-sterlinqdir. 

Con Kliz – 1987 Bentley Eight, 2 500 funt-sterlinq

Məşhur hit “Fawlty Towers TV” şousunun aparıcısı Con Kliz bahalı avtomobillərə olan həvəsi ilə tanınan məşhur aktyordur. 

Ceremi Klarkson – Mercedes SL55 AMG, 132 433 dollar

Klarkson istənilən avtomobilə sahib ola biləcək məşhurdur. Lakin o, klassik və zərif Mercedes SL55 AMG-i seçim edir. 

Simon Kovell – Bugatti Veyron, 1 700 000 dollar

Simon Kovell Böyük Britaniyanın ən zəngin adamlarından biridir. O, realiti şoular da daxil olmaqla, müxtəlif biznes layihələrinə görə illik 95 milyon dollar gəlir qazanır. 550 milyon dollarlıq xalis sərvəti ilə Kovell dəbdəbəli həyat tərzi sürür. Onun ən qiymətli mülkü yüksək səviyyəli Jaguar, Ferrari və Bentley və 1,7 milyon dollarlıq Bugatti Veyrondur.

Tom Hardy – Audi R8 Spyder, 160 000 dollar

“İnception”, “The Dark Knight”  və “Lawless” filmlərindəki sərt obrazları ilə tanınan Tom Hardy avtomobilləri çox sevir. 30 milyon dollarlıq xalis sərvətə sahib olan məşhur Audi brendini çox sevir. Buna görə avtomobil kolleksiyasında qırmızı Audi RS5 və qara Audi R8 Spyder var. 

Stinq – 1969 Alfa Romeo Spider, 40 000 dollar

Stinq dünyanı gəzən məşhur müğənnidir. Maraqlı səsi və istedadlı mahnı yazma bacarığı ilə çoxsaylı mükafatlar qazanan sənətçinin sərvəti 300 milyon dollardır. 

Konor Makqreqor – Rolls Royce, 350 000 dollar

İrlandiyalı Konor Makqreqor santexnik olmaq üçün məşq edərkən bokskçu olur. Peşəkar MMA döyüşçüsü “Bədbəxt Mistik Mac” kimi tanınaraq, Monster Energy, Beats by Dre, Reebok və Bud Light şirkətləri ilə müqavilə bağlayır. Sonra blokbaster filmlərdə kamo rolunu ifa edir və məşhur titullar qazanmaqla milyoner olur. 

Avtomobillərə isə xüsusi marağı var.

Seal – Bentley Azure, 380 000 dollar

Olusegun Adeola Seal kimi tanınır. Dünyada təsirli səsə malik az sayda olan ingilis musiqiçidir. Onun ilk beynəlxalq hit mahnısı Crazy olub.

Onun təkcə 380 000 dollara başa gələn qızılı Bentley Azure avtomobili yoxdur, Seal həmçinin Ferrari F430-a sahibdir. 

Meqan Markl – Jaguar E-Type, 470 000 dollar

Kral ailəsi ilə evlənmədən əvvəl Meqan Markl məşhur “Suits” serialında rol alaraq öz sərvətini artırmışdı. Aktivist və xeyriyyəçi olması ilə tanınan aktrisa xəyal etdiyi avtomobili 470 000 dollara əldə edib.  Buna görə 1968-ci ildə istehsal edilmiş köhnə avtomobil xeyli modernləşdirilib. 

Rod Stüart – 1971 Lamborghini Miura, 1.75 000 000 dollar

240 milyon dollar sərvəti olan dünya şöhrətli müğənni 380 at gücünə bərabər olan avtomobilini çox sevir.  

Castin Timberleyk – Volswagen Jetta, 28 000 dollar

38 yaşlı pop müğənnisi Castin Timberleyk Cry Me a River və  Can’t Stop the Feeling mahnıları ilə daha çox sevilib. Milyonlarla ölçülən sərvəti ilə istədiyi hər hansı lüks avtomobili ala bilər. Bununla belə, o, sadəliyə üstünlük verir. Sahibləndiyi ucuz maşını ilə isə rahat olduğunu bildirir. 

Nikolas Keyc – 1958 Ferrari 250 GT Pininfarina, 3 600 000 dollar

Nikolas ən böyük Hollivud ulduzlarından biridir. O, saysız-hesabsız mükafatlar alıb. Lakin şöhrəti və zənginliyi ilə məşhur olan aktyorun maliyyə planlaşdırma bacarığı yoxdur. 2000-ci ilin əvvəllərində vergidən yayınma səbəbiylə bəzi maliyyə çətinlikləri ilə üzləşib. Bundan sonra o, parkında cəmi on avtomobil saxlayıb, bir çox əmlakını isə satmalı olub.