Anadolu rokunun məşhur simalarından olan Erkin Korayın məzarı səhv salınıb.
“Qafqazinfo” xəbər verir ki, bu barədə müğənninin qızı sosial media hesabında paylaşım edib.
o, atasının pərəstişkarlarına səslənərək, – “Günlərdir heç nə demirəm. Amma gördüm ki, ziyarət edən insanların sayı çoxalır. Bu fotodakı gül-çiçəkli məzar atamın deyil. Onun sağ tərəfindəki – arxanızda olandır”, – deyə bildirib.
Xatırladaq ki, 82 yaşlı E. Koray avqustun 7-də vəfat edib. O, özünün vəsiyyəti ilə Kanadanın Toronto şəhərində dəfn edilib.
