“Qafqazinfo”nun “Facebook” səhifəsi bağlanıb. Buna səbəb isə ermənilərin səhifəyə kütləvi hücumu və şikayət etməsidir.
Belə ki, dünən səhər saatlarında izləyicilər sayta müraciət edərək saytın “Facebook” səhifəsində erməni profillərin aktiv olduğunu, səhifədə Müdafiə Nazirliyinin rəsmi və şəhidlərlə bağlı yayımladığı xəbərlərə təhqir yazdıqlarını bildiriblər. Dərhal şərhlər silinib, erməni izləyicilərin səhifəyə şərh yazmasına qadağa qoyulub.
Günün ikinci yarısında isə ermənilər kütləvi şikayət edərək 200 minə yaxın izləyicisi olan “Facebook” səhifəsinin bağlanmasına səbəb olublar.
Hadisə ilə bağlı Dövlət Təhlükəsizliyi Xidmətinə və Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinə müraciət hazırlanır.
