Beynəlxalq Futbol Federasiyasının (FİFA) İntizam Komitəsi Argentina Futbol Assosiasiyasına qarşı iş qaldırıb.
FİFA Argentina milli komandasının futbolçuları tərəfindən intizam kodeksinin pozulması ehtimalı ilə bağlı ittiham irəli sürüb.
Bu barədə FİFA-nın mətbuat xidmətindən məlumat verilib.
Argentina Futbol Assosiasiyasına qarşı FİFA intizam kodeksinin iki maddəsinin pozulması ilə bağlı iş açılıb. Bu maddələr aqressiv davranış və ədalətli oyun prinsiplərinin pozulması, eləcə də oyunçuların və rəsmilərin qanunsuz davranışlarını nəzərdə tutur.
İşə hansı tarixdə baxılacağı ilə bağlı açıqlama verilməyib.
Argentina millisinin futbolçuları Qətərdə keçirilən Dünya Çempionatının finalında Fransa yığması üzərində qələbədən (3:3; 4:2 – penaltilər üzrə) sonra qarışıq zonada mətbuatın suallarına cavab verməyiblər, rəqs ediblər və jurnalistlərin üzərinə içki atıblar.
Mənbə: TASS
