Almaniyanın bəzi bölgələrində müşahidə edilən şiddətli yağış və fırtına fəsadlar törədib.
“Qafqazinfo” xarici mediaya istinadən xəbər verir ki, güclü yağış səbəbindən Frankfurt şəhərində evlərin birinci mərtəbələrini, eləcə də hava limanını su basıb.
Hadisə nəticəsində dünən axşam həyata keçirilməsi planlaşdırılan 70 reys baş tutmayıb. Eyni zamanda, çox sayda uçuşda da gecikmə qeydə alınıb.
Fırtına ölkənin Baden-Württemberg, Rheinland-Pfalz və Thüringen əyalətlərində də həyatı iflic edib.
