Müstəqil.Az xəbər verir ki, bu gün Beynəlxalq Mətbuat Mərkəzində gənc yazar Aygün Sadiqin “Güzgüdə kim var? ” adlı ilk kitabının təqdimat mərasimi keçirilib.
Təqdimat mərasimini kitabın redaktoru yazıçı Əli Azəri açıb və kitab haqqında mərasim iştirakçılarına məlumat verib.
Sonra söz kitabın müəllifi Aygün Sadiqə verildi. Aygün xanım tədbirə gələnlərə öz minnətdarlığını bildirdi və “Bayrağım” şeirinin səsləndirilməsi ilə tədbir davam etdi.
Tədbirdə iştirak edən yazıçının qələm dostları, ziyalılar yazar haqqında yüksək fikirlər səsləndirdilər.
Aygün Sadiqin Ədəbi mühitə təqdim olunan ilk kitabı oxucular və ədəbi mühit tərəfindən yüksək qiymətləndirildi.
Biz də Müstəqil.Az olaraq gənc yazara yaradıcılıq uğurları və ədəbiyyatımızda xüsusi bir iz qoymasını arzulayırıq.
