“Xarici agentlər haqqında qanun layihəsinin geri götürülməsinə baxmayaraq, Gürcüstanda etirazlar davam edəcək”.
Bu barədə “Girçi – daha çox azadlıq” müxalifət partiyasının sözçüsü Sotne Koberidze bildirib.
O xatırladıb ki, hakimiyyət etirazlarda saxlanılanları hələ də azad etməyib.
“Bizim üçün aydınlıq gətirilməlidir ki, onlar bu qanunu necə geri götürmək niyyətindədirlər, çünki onların bəyanatları qeyri-müəyyəndir. İkincisi, məhbuslar azadlığa çıxana qədər “Gürcü arzusu” düşünməsin ki, onlar üçün asan olacaq”, – deyə o qeyd edib.
Müxalifət bu gün yerli vaxtla saat 19:00-da yenidən parlament binası qarşısında toplaşmağı planlaşdırır.
Xatırladaq ki, hakim “Gürcü arzusu” partiyası martın 7-də birinci oxunuşda qəbul edilən qanun layihəsini geri götürdüyünü elan edib, lakin söz verib ki, bu məsələyə qayıdılacaq. Müxalifət martın 8-də hakimiyyət qarşısında iki tələb irəli sürüb: təşəbbüsü geri götürmək və həbs olunmuş bütün etirazçıları azad etmək.
Mənbə: Kommersant.ru
