Tanınmış türkiyəli müğənni İbrahim Tatlısəs son açıqlaması ilə Türkiyədə hamını heyran qoyub.
Trend-in məlumatına görə, müğənni 2019-cu ildə yeni albom buraxacağını bildirib.
İ.Tatlısəs qeyd edib ki, Allah onu mağaradan çıxararaq saraylara yerləşdirib: “Allah mənə hər şey verdi – villalar, şan-söhrət. Bundan sonra da yoluma davam edəcəyəm”.
Qeyd edək ki, İ.Tatlısəs 2011-ci il martın 14-də silahlı hücuma məruz qalmışdı. Müğənni həyatına sui-qəsd zamanı başından ağır güllə yarası almış, assistenti isə çiynindən vurulmuşdu.
2013-cü ilin mart ayında müğənniyə qarşı sui-qəsdin sifarişçisi Abdullah Uçmaka 35 il 6 ay həbs cəzası verilib. Müğənnini güllələyən Ersin Altun isə 28 il azadlıqdan məhrum edilib.
Müstəqil.Az
