Prezident D.Trampın ingilislərin müasir ABŞ ərazisindəki ilk yaşayış məskəni olmuş Ceymstaunun nə vaxtsa olduğu yerdə aborigen hinduların soyqırımı və depaortasiyaları bahasına qurulmuş ABŞ demokratiyasının 400 illiyi ilə bağlı çıxışı zamanı pərt olub.
Moderator.az-ın xarici İslam saytlarına istinadla verdiyi xəbərə görə, dövlət başçısı çıxış edən anlarda Virciniya ştatının qanunverici məclisinin üzvü 27 yaşlı fələstinli həkim İbrahim Samir əllərində plakatlarla Trampın irqçi siyasətinə qarşı şüarlar qışqırmaqla etiraz edib. Bunu eşidən ABŞ prezidenti çıxışını yarımçıq kəsməyə məcbur olub. Tramp özünü itirərək barmaqlarını tribunaya döyməyə başlayıb. Dərhal gənc müsəlmana yaxınlaşan mühafizəçilərdən biri onu zaldan çıxarıb…
