“Hər hansı revanşizm cəhdləri Azərbaycan tərəfindən cəzalandırılacaq. Ona görə də xəbərdarlıq edirəm ki, revanşizm və qisas cəhdləri olmamalıdır”.
Müstəqil.Az bildirir ki, bunu Prezident İlham Əliyev bu gün keçirdiyi mətbuat konfransında deyib.
Bununla yanaşı, Prezident qeyd edib ki, Ermənistan qisasdan imtina etsə və noyabrın 10-da üçtərəfli sazişlə bağlı öhdəliklərini yerinə yetirməkdə davam etsə, regionda çoxdan gözlənilən sülh yaranacaq.
“Mən bir də qeyd etmək istəyirəm ki, şimal-şərq Zəngəzur, Zəngilan və Qubadlı istiqamətində sərhədyanı ərazilərdə erməni bölmələri yoxdur və hazırda orada sülh mövcuddur. Orada Azərbaycan sərhədçiləri və dinc erməni əhalisi arasında heç bir insident qeydə alınmayıb. Biz dövlət sərhədini keçmirik. Belə çıxır ki, Ermənistanın Sərhəd Qoşunları yoxdur, çünki onlar orada ümumiyyətlə yoxdur. Ermənistan-İran və Ermənistan-Türkiyə sərhədini Rusiyanın sərhəd qoşunları qoruduğunu nəzərə alsaq, biz Ermənistan-Azərbaycan sərhədində dinc əhaliyə qarşı heç bir hərəkət etmirik”, – deyə İ.Əliyev bildirib.
Prezident eyni zamanda, Ermənistan şəhərlərinə gedən bir çox yolun Azərbaycandan keçdiyini, bunlardan birində “Azərbaycana xoş gəlmisiniz” yazısı olan böyük bir lövhənin olduğunu xatırladıb: “Mən başa düşürəm ki, bu lövhə Ermənistanda qıcıq doğurur, amma biz bunu başqa məqsədlə qoymuşuq: əgər onlar Azərbaycanın beynəlxalq aləmdə tanınmış ərazisinə keçmək istəyirlərsə, biz erməniləri qəbul etməyə hazırıq”.
Müstəqil.Az
