Yaxın zamanlarda Ermənistan hökuməti ilə Rusiya arasında rusiyalı sülhməramlıların Geqarkunik vilayətinə yerləşdirilməsi ilə bağlı razılaşma əldə olunacaq. Bundan sonra ön cəbhədən erməni qoşunları çıxarılacaq.
Müstəqil.Az xəbər verir ki, bu məlumatı “Qraparak” qəzeti yayıb.
Məlumata görə, Nikol Paşinyan böyük ehtimalla sentyabrda razılaşma imzalayacaq. Bu razılaşma ilə Paşinyanın Azərbaycanın ərazi bütövlüyünü tanıyacağı bildirilib.
Qeyd edək ki, Geqarkunik və digər sərhəd ərazilərə Rusiya hərbçilərinin yerləşdirilməsi üçün üçtərəfli danışıqlar getdiyi barədə məlumatı əyalətin qubernatoru yaymış, daha sonra isə Ermənistan Baş Qərargah rəisi təsdiqləmişdi.
Müstəqil.Az
