Mayın 11-də İranda prezident kürsüsünə namizədlərin qeydiyyatı başlayıb.
Müstəqil.Az yerli KİV-ə istinadən bildirir ki, namizədlərin siyahısına daxil olmaq üçün müraciətlər mayın 15-dək qəbul ediləcək.
Prezident seçkisində iştirak etmək istəyənlərin yaşı 40-dan aşağı və 75-dən yuxarı ola bilməz.
Qanunlara görə, seçkidə iştirak etmək istəyənlər qeydiyyatdan keçdikdən sonra İran Konstitusiyasının Mühafizə Şurası (Konstitusiya Qəyyumları Şurası) tərəfindən təsdiqlənməlidir. Şura tərəfindən təsdiqlənən namizədlərin adları mayın 26-27-də açıqlanacaq.
Namizədlər bundan sonra, mayın 28-dən iyunun 16-a qədər seçkiqabağı təbliğat-təşviqat kampaniyası apara biləcəklər.
Seçkidən bir gün əvvəl və səsvermə günü təşviqat qadağan ediləcək.
Xatırladaq ki, İranda 13-cü prezident seçkisi iyunun 18-nə təyin edilib.
Müstəqil.Az
