İspaniya hökuməti ölkədə koronavirus pandemiyasının sona çatdığını elan edib.
Bu barədə Nazirlər Kabinetinin saytında bildirilib.
“Nazirlər Şurası COVID-19 pandemiyasının və bununla da maskaların təyin olunduğu yerlərdə məcburi istifadəsinin sona çatdığını təsdiqləyib”, – deyə məlumatda qeyd edilib.
Bununla belə, rəsmilər ictimai yerlərdə tənəffüs yoluxucu xəstəlik əlamətləri olan insanlara, simptomatik halları müalicə edən mütəxəssislərə və həssas xəstələri olan reanimasiya şöbələrində çalışan insanlara maskalardan imtina etməməyi tövsiyə edib.
Xatırladaq ki, pandemiya zamanı İspaniya hökuməti hər yerdə, o cümlədən küçədə maska taxmağı məcbur edib. Epidemioloji vəziyyət yaxşılaşdıqca səlahiyyətlilər məhdudiyyətləri yüngülləşdiriblər. İlin əvvəlində nəqliyyatda fərdi mühafizə vasitələrinin məcburi taxılmasının ləğvi ilə bağlı qərar təsdiq edilib.
Mənbə: mir24.tv
