İspaniyanın “Selta” klubunun ev oyunlarını keçirdiyi “Balaidos” stadionunu sel basıb.
“Qafqazinfo” xəbər verir ki, bu barədə İspaniya mətbuatı məlumat yayıb.
Belə ki, güclü leysan yağışlarından sonra çayların daşması nəticəsində Viqo şəhərində müxtəlif obyektlərlə yanaşı, “Selta”nın stadionunu da su basıb. Məlumata görə, arenada ən çox rəsmi mağazaya, ofislərə, meydana aparan tunellərə və miks-zonaya ziyan dəyib.
