Çağlar Söyüncü İngiltərənin “Lester” klubunu Madrid “Atletiko”suna dəyişib.
Bu barədə İspaniya təmsilçisinin baş məşqçisi Dieqo Simeone məlumat verib.
“Çağlarla çoxdan müqavilə imzalamışıq. Yeni mövsümdən bizimlə olacaq. Nəyə ehtiyacımızın olduğunu bilirik”, – deyə argentinalı mütəxəssis yerli radioların birinə söyləyib.
Türkiyə millisinin üzvü “Atletiko”ya azad agent kimi keçib. Onun 2018-ci ildən formasını geyindiyi “Lester” ötən mövsüm İngiltərə Premyer Liqasında 18-ci pilləni tutaraq aşağı liqaya düşüb.
Mənbə: NTV Spor
