Qətərdə futbol üzrə Dünya Çempionatının başlaması münasibətilə İsrail və ərəb ölkəsi arasında ilk birbaşa sərnişin reysi bazar günü həyata keçirilib.
Məlumata görə, Tel-Əviv-Doha marşrutu üzrə uçuşu əsas səhmdarlarından biri İsrailin “Knafaim” holdinqi olan Kiprin “TUS Airways” aviaşirkəti icra edib. Səyahət vaxtı 3 saat 35 dəqiqə olub.
Bildirilr ki, “TUS Airways” Tel-Əvivdən Dohaya və əks istiqamətdə ümumilikdə altı birbaşa uçuş həyata keçirəcək. Mundialdan sonra uçuş proqramı davam etdirilməyəcək.
Qeyd edək ki, ümumilikdə 10 minə yaxın israilli və fələstinli Dünya Çempionatının oyunlarına bilet alıb.
Mənbə: TASS
