İsveç polisi Türkiyənin Stokholmdakı səfirliyi önündə Quranın yandırılması ilə bağlı növbəti aksiyaya icazə verməyib.
“Son zamanlar Quranı yandırmaq üçün keçirilən ictimai toplantılar çox kəskin reaksiyaya səbəb olub və bu, İsveçə qarşı təhdidlərin mənzərəsinin dəyişməsinə gətirib çıxarıb”, – İsveç polisinin bəyanatında deyilir.
İsveç hüquq-mühafizə orqanının məlumatına görə, Quranın yandırılması aksiyası rədd edilib, çünki bu əməl milli təhlükəsizliyin ciddi şəkildə pozulması hesab olunur.
Xatırladaq ki, yanvarın 21-də Danimarkanın ifrat sağçı “Sərt Kurs” partiyasının lideri Rasmus Paludan Türkiyənin Stokholmdakı səfirliyi yaxınlığında Quranı yandırıb. Eyni zamanda aksiya meriya ilə razılaşdırılıb. Paludanın sözlərinə görə, o, Türkiyənin İsveçin NATO-ya üzv olmasına mane olmasına etiraz edərək müsəlmanların müqəddəs kitabını yandırıb.
Mənbə: gazeta.ru
