İtaliya Kubokunda ilk finalçı müəyyənləşib.
Oxu.Az xəbər verir ki, yarımfinalın cavab oyununda öz meydanında “Yuventus”u 1:0 hesabı ilə məğlub edən “İnter” həlledici görüşə vəsiqə qazanıb.
Yeganə qolu 15-ci dəqiqədə Federiko Dimarko vurub. İlk görüşdə 1:1 hesablı bərabərlik qeydə alındığından yekunda 2:1 üstün olan “nerazzuri” finala yüksəlib.
Həlledici qarşılaşmanın digər iştirakçısı “Fiorentina” – “Kremoneze” matçında müəyyənləşəcək. İlk oyunda florensiyalılar səfərdə iki cavabsız qolla qələbə qazanıblar.
