“Mənzərə aydındır. Bu videoya baxan istənilən tamaşaçı özlərini şair adlandıran bu şəxslərin mədəni-intellektual səviyyələri haqqında özündə təəssürat yarada bilər.”
Bu sözləri ARB efirindən meyxanaçıların təhdid və təhqirlərinə məruz qalan yazıçı-jurnalist Kəramət Böyükçöl söyləyib.
O, daha sonra əlavə edib:
“Əlbəttə, bu şairciyəzlər zülmət aşiqləridir. Onlara xalqın gözünün bağlı olmağı sərf edir. Onlar incəsənətə, işıqlı olan hər şeyə düşməndirlər. İmkanları olsaydı, Üzeyir bəyi, Mirzə Cəlili, Mirzə Fətəlini beşikdə boğardılar. Çünki o möhtəşəm insanlar xalqı cəhalət və nadanlıq yuxusundan ayırmağa cəhd etmişdi. Harda zülmət var, harda nadanlıq var, harda avamlıq, bisavadlıq varsa meyxana ordadır. Xalqın gözü açılsa onları toya çağıran olmaz. Onlar beş-üç manata görə bütöv bir xalqın gələcəyini satmağa hazır olan fariseylərdir. Ona görə də mənim sözlərimdən narahatdırlar. Ona görə də işığı qapamaq istəyirlər. Və bu əsəbi şəraitdə onların illərdir üzlərinə taxdıqları maska yırtılıb düşür. Onların əsl siması budur, nadan, söyüşcül, bisavad…”
Sözünün sonunda Kəramət Böyükçöl onu efirdən təhqir və təhdid edənləri məhkəməyə verəcəyini bildirib.(lent.az)
