Rusiyanın Tatarıstan Respublikasının paytaxtı Kazan şəhərində orta məktəbdə atışma törədən şəxs həbs edilib. Bu barədə TASS xəbər verir. Qeyd edilir ki, Kazan Məhkəməsi məktəbə hücumda təqsirləndirilən İlnaz Qalyaviyevin 2 ay müddətinə azadlıqdan məhrum olunması barədə qərar çıxarıb. Müttəhim məhkəmə prosesində təqsirini tamamilə etiraf edib.
“Ona qarşı ittiham irəli sürülüb, cinayəti törətməkdə təqsirini tamamilə etiraf edib”, – deyə prokuror bildirib.
Xatırladaq ki, hadisə ötən gün baş verib. Son məlumata görə, hücum zamanı 11 nəfər həlak olub, daha 23 nəfər xəsarət alıb. Yaralılar xəstəxanaya yerləşdirilib. Onlardan bəzilərinin vəziyyəti ağırdır. Cinayətkarı azadlıqdan ömürlük məhrumetmə cəzası gözləyir.
Müstəqil.Az
