İngiltərə Premyer Liqasının hazırkı çempionu “Mançester Siti” yaxın vaxtlarda hücumçusu Erlinq Holanda təkmilləşdirilmiş şərtlərlə yeni müqavilə təklif edəcək.
Məlumata görə, “şəhərlilər” Norveç yığmasının oyunçusunun maaşını təxminən iki dəfə artırmağa hazırdırlar.
Yeni müqaviləyə əsasən, o, həftədə 600 min funt sterlinq (700 min avro) alacaq.
Qeyd olunur ki, “Siti” digər klubların futbolçunu ələ keçirə bilməməsi üçün hücumçuya yeni müqavilə təklif edir.
Xatırladaq ki, Holandın “Mançester Siti” ilə hazırkı müqaviləsi 2027-ci ilin yayına qədər qüvvədədir. Futbolçu həftədə 375 min funt sterlinq (437 min avro) qazanır.
Mənbə: championat.com
