Fritz Langın 1927-ci ildə çəkdiyi klassik “Metropolis” filminin serial uyğunlaşması istehsal prosesi başlamadan dayandırılıb.
Kulis.az xəbər verir ki, buna səbəb artan xərclər və ssenaristlərin tətili göstərilib.
“Cənab Robot” serialının yaradıcısı Sem Esmail uzun müddət idi ki, “Metropolis”in seriala uyğunlaşdırılması üzərində işləyirdi. Briana Middletonun baş rolda olduğu serialın çəkilişləri tezliklə Avstraliyada başlayacaqdı.
Futuristik bir dünyada qurulan “Metropolis”də, işçilərin yerin altında çətin bir həyat sürdüyü və hakim sinfin rahat yaşadığı qaranlıq bir gələcəkdən bəhs olunur.
