Sumqayıtda mikroavtobusun vurduğu qadın 24 gün sonra xəstəxanada ölüb.
“Report”un xəbərinə görə, hadisə iyulun 30-da Sumqayıt şəhəri, 17-ci mikrorayon ərazisində qeydə alınıb.
Belə ki, Seyhun Əliyevin idarə etdiyi “Mercedes Sprinter” markalı mikroavtobus hərəkətdə olan zaman piyadalar – Raziyə Əhmədova və Mehparə Əhmədovanı vurub. Hər iki şəxs xəstəxanaya yerləşdirilib.
Lakin R.Əhmədova avqustun 21-də müalicə aldığı xəstəxanada vəfat edib.
Faktla bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanaraq ibtidai istintaqı aparılır.
