Tarix boyu istər Avropa, istər Asiyada olsun, bütün qonşu xalqlar arasında münasibətlərdə eniş-çıxış da, normal əlaqələr də, müharibələr də olubdur. Bu, tarixin bir gerçəyidir.
Müstəqil.Az xəbər verir ki, bunu Milli.az-a açıqlamasında tarix elmleri doktoru, professor Qabil Əliyev deyib.
Professor bildirib ki, ermənilərin xislətində ümumi insana, Azərbaycana, türkə, müsəlmana nifrət o qədər güclüdür ki, normal münasibətlər qurulanda belə, biz “oldu getdi” deyib, keçmişi unutmamalıyıq:
“Bizim qonşumuz ermənilərlə münasibətlərdə də normal əlaqələrin və müharibələrin olması tarixdə müşahidə edilibdir. Ancaq Azərbaycanın bir dövlət, ölkə olaraq bəxti onda gətirməyib ki, ermənilər kimi qonşumuz olubdur.
II Dünya Müharibəsində Fransa ilə Almaniya müharibə apardı, sonra da normal münasibətlər qurdu. İndi də Avropa Birliyinin iki aparıcı dövlətidir. Eləcə də Fransa ilə İngiltərə arasında iki dəfə yüzillik müharibə olubdur. I, II Dünya Müharibəsində də müttəfiq idilər. Aralarında müharibə olub, ərazi tutulub, təzminat alıb, işğallar ediblər, ancaq sonra o insani münasibətlər qurulubdur. Çünki müharibəninin dəhşətləri ilə yaşamaq olmaz. Bütün müharibələr sülhlə bitir və sülhdən sonra da bir arada yaşamalı olursan.
Onların qarşısında durub, ona müqavimət göstərmədikcə irəli gedirlər
İndi bizim qonşumuz ermənilərlə münasibətlərimizə gəldikdə, onların xislətində ümumi insana, Azərbaycana, türkə, müsəlmana nifrət o qədər güclüdür ki, normal münasibətlər qurulanda belə, biz “oldu getdi” deyib unutmaq istədikdə, unutmağa çalışdıqda ermənilər bizə daim xatırladır ki, çox məkirli, hiyləgər düşməndir və hər fürsət olduqca Azərbaycanı məhv etmək, azərbaycanlıları torpaqlarından didərgin salmaq, etnik təmizləmə aparmaq üçün ayağa qalxır, buna çalışır. Bunu hər fürsətdə bizim başımıza gətiriblər, bundan sonra da edəcəklər. Əslində biz hər il 31 Mart soyqrımını, Xocalı soyqrımını qeyd etməklə bunu xalqımıza, xüsusilə böyüməkdə olan gənc nəslə aşılamağa çalışırıq ki, bizim çox məkirli qonşumuz var. Bu cür fəlakətlər xalqımızn başına gəlibdir.
Tarix dərs almaqdan ötrüdür. Bu fəlakətlər niyə başımıza gəldi? 1905-1906-cı illərdə xalq kimi müstəmləkə əsarətində idik. Rusiya da ermənilərdən istifadə edib, xalqın diqqətini inqilabdan yayındırmaq istəyirdi, milli qırğın törətdi. Erməni də 1890-cı ildə “Daşnak” partiyası yaranandan hazır idi ki, xalqımıza qarşı İrəvanda, Naxçıvanda, Qarabağda, Bakıda qətl, qarətlər törətdi ki, məhv edib həm sərvətlərinə, həm də abad, hazır məhsullara, evlərə yiyələnsinlər. Və bunu da etdilər. Həmin vaxt da xalqımızın qeyrətli oğulları “Difai” partiyasını yaratmaqla erməni vəhşiliyinin qarşısını xeyli dərəcədə aldı. Yoxsa erməninin qarşısında durub, ona müqavimət göstərmədikcə irəli gedir, dişi qana batırdı.
Ermənilər bundan sonra da hər fürsətdə xalqımıza qarşı soyqrımlar törədəcəklər
Eləcə də 1980-ci illərin sonu, 1990-cı illrin əvvəllərində Azərbaycanda yenicə dövlətçilik yaranırdı, dövlətin təməli möhkəm deyildi, ordu quruculuğu yenicə başlamışdı, ordu və dövlət rəhbərliyində də xalqına, dövlətinə bağlı olan adamlardan daha çox avantürist, hakimiyyətə gəlməyə çalışan, hakimiyyətə gəlmək üçün hər cür xəyanətə əl atan qüvvələr təəssüf ki, o zaman ordu rəhbərliyində idi. O da 1990-cı illərin əvvəllərində bizim 20% ərazimizin itirilməsinə, 1 milyona qədər qaçqınımıza səbəb oldu. İndi bizim bunlardan dərs almağımız lazımdır. Biz dövlət olaraq möhkəm olmalıyıq, dövlət başçısının ətrafında sıx birləşməliyik, güclü ordumuz olmalıdır və həmişə də erməni məkirlərinə qarşı durmalıyıq. Yoxsa hər fürsətdə xalqımıza qarşı növbəti soyqrımları törədəcəklər.
Erməni o zaman geri çəkilir, o buna məcbur edilir. Necə ki, biz 44 günlük müharibədə Ordumuzun gücü ilə 30 illik işğala son qoyub, ərazilərimizi azad etdikdə onlar daha çox itki verməmək üçün qalan 3 böyük rayonumuzu (Ağdam, Kəlbəcər, Laçın) güllə atmadan geri aldıq. 2016-cı ilin aprelində Lələtəpəni azad etmişdik, hər dəfə onun davasın edirdilər ki, Lələtəpəni qaytarın sonra danışıqlara başlayaq.
Güclü ordumuzun yaranmasına nail olmalıyıq
Əslində bu soyqrımları qeyd etməyimizin bizim üçün tarixi əhəmiyyəti odur ki, bu tarixdən dərs alaq. Dərs alaq ki, xalq olaraq güclü olaq. Güclü dövlətimizin, güclü ordumuzun yaranmasına, onun daha da güclənməsinə nail olmalıyıq. Elə olandan sonra da erməni ilə normal münasibətlər qurulacaq. O zaman erməni də biləcək ki, başqa fikrə düşərsə Dəmir yumruq işə düşəcək.
Erməni vəhşiliyini heç yırtıcı heyvan etməz. Müharibə vaxtı bütün erməni əsgərlərini cibində hərəsi bir qaşıq gəzdirirmişlər. Öldürdükləri, əsir götürdükləri azərbaycanlıların gözünü çıxartmaq üçün bunu edirdilər. İnsanlığa sığmayan, belə vəhşi təbiətli bir qonşumuz var”.
Müstəqil.Az
