Narkotik vasitələrin qanunsuz dövriyyəsində təqsirləndirilən daha sonra məhkəmədən bəraət alan şəxs barəsində prokurorun protestinə baxılıb.
xəbər verir ki, Sumqayıt Apellyasiya Məhkəməsində Mehman Səmədov və Ceyhun Xanmirzəyev barəsində birinci instansiya məhkəməsinin qərarından verilən protestə baxılıb.
Sumqayıt Ağır Cinayətlər Məhkəməsinin hökmü ilə Səmədov Mehman Səməd oğlu Cinayət Məcəlləsinin 234.4.1, 234.4.3, 237.2.1 və 237.2.3 cü maddələri ilə bəraət alıb, Xanmirzəyev Ceyhun Əhməd oğlunun ittihamından CM-nin 234.4.1 və 237.2.1- ci maddələrinin xaric edilib, o, CM-nin 234.4.3 və 237.2.3- cü maddələri ilə təqsirli bilinib 7 il Azadlıqdan məhrum edilib.
Sumqayıt Apellyasiya Məhkəməsində elan edilən qərara əsasən, birinci instansiya məhkəməsinin hökmü ləğv edilib. Mehman Səmədov irəli sürülən ittihamlar üzrə təqsirli bilinərək qəti olaraq 9 il Ceyhun Xanmirzəyev isə qəti olaraq 8 il həbs cəzasına məhkum edilib.
