“Naxçıvanbank” ən aşağı faizli yeni kredit kampaniyasına start verib.
Müştərilər 12 faizdən başlayan güzəştli kredit kampaniyasından faydalana bilərlər.
Ölkənin yeganə regional bankı olan “Naxçıvanbank” regionda və paytaxt Bakı şəhərində müştərilərinə yüksək keyfiyyətli fərdi və korporativ bank xidməti göstərir. Öncəliyini müştəri məmnuniyyəti təşkil edən “Naxçıvanbank” sərfəli kredit məhsulları ilə ölkəmizin bank sistemində öncüllər sırasındadır.
Bankın yeni “Start endirim” kampaniyası mikrokredit və istehlak krediti məhsulu üzrə ən aşağı faiz – 12 faizdən başlayan güzəştli kredit şərtlərini əhatə edir.
Qeyd edək ki, müştərilər üçün “Start endirim” kreditini əldə etmək də çox sadədir. Belə ki, müştərilər krediti sığorta haqqı ödəmədən və zamin tələbi olmadan, növbəsiz, çevik rəsmiləşmə ilə qısa zamanda əldə edə biləcəklər.
Yeni kredit kampaniyasından Azərbaycan ərazisində yaşayan və qeydiyyatda olan hər kəs faydalana bilər.
