ODUR TARİXLƏRƏ ZƏFƏR YAŞADAN…

Dövlətimizin firavanlığı naminə ona fəaliyyətində uğurlar və möhkəm cansağlığı arzulayıram.

Azərbaycanın ən şərəfli zəfər tarixini,qələbənin sevincini yaşayırıq.

Bu gün birliyimizin, vahidliyimizin bəlkə də ən kulminasiya nöqtəsindəyik. Eşq olsun bu birliyə, bu vahidliyə. Heç bir millətin tarixində heç bir vaxt öz vətənini azad etmək uğrunda bu qədər birlik və ruh yüksəkliyi olmamışdır.

Bu gün Azərbaycanda hakimiyyət xalq birliyi vardır. Hamı bir nəfər kimi Ali Baş Komandanın ətrafında yumruq kimi birləşib. Ordumuz müasirləşib, verilən əmr və göstərişləri vaxtında ləyaqətlə yerinə yetirir. Hər bir ölkə üçün onun ordusu çox vacib bir atributdur, çox önəmli bir rəmzdir. Məhz mübariz ordumuzun, qalibiyyətli Azərbaycan əsgərinin sayəsində biz otuz ilə yaxın bir müddətdə işğal altında olan doğma Qarabağımızı yağı tapdağından azad etdik. Bizə bu sevinci qismət edən Ali Baş Komandanımızın ağıllı, təmkinli, yerində verdiyi qərarları oldu. 44 günlük Vətən müharibəsində dilindən, dinindən, peşəsindən asılı olmayaraq Azərbaycanın hər bir vətəndaşı üzərinə düşən vəzifəni layiqincə yerinə yetirdi. Onların hər biri nə etdisə, Vətən üçün etdi, yaşadıqları torpağa vurğunluğundan, Vətənə məhəbbət hissindən etdi. Məhz Azərbaycan Milli Ordusunun dəmir iradəsi sayəsində Azərbaycan gücünü dosta da, düşmənə də göstərdi.

Təbii ki, azadlıq qansız ötüşmür. Bu müharibədə şəhid olan da, qazi olan da oldu. Torpaq şəhid qanıyla suvarılaraq Vətən oldu. Azad, müstəqil oldu. Biz bu gün hammılıqla Şəhidlərimizə borcluyuq, Şəhidlər torpağa deyil, ürəklərə tapşırılan sevgidir. Azərbaycanın bu günkü nəsli də, gələcək nəsilləri də şəhidlərin qəhrəmanlığından nümunə götürəcəklər. Şəhidlərin qəhrəmanlığı Azərbaycan xalqı üçün, Azərbaycan gəncləri üçün örnək olub,bundan sonra da örnək olacaqdır. Şəhidlərimiz Vətənini sevdi,bu sevgi müqəddəs sevgidir,bu sevgi sipərə dönən sinədir, bu sevgi Vətən yolunda qurban verilən “can”dır. Şəhidlərin ölməz,ruhu yaddaşlarda, əqidələrdə əbədi yaşayarlar. Allah xalqımızı,millətimizi qorusun,birliyimiz sarsılmasın.