Posted in Kateqoriyasız

“Ölən “sevmədiyin”o qadın olar…”-Arzu Müzəffərqızı…

   22:59 / 28 Aprel 2019  Leave a comment
Müstəqil.Az “İstedad işığı” rubrikasında Arzu Müzəffərqızının şeirlərini təqdim edir:
Ölən “sevmədiyin”o qadın olar.
**********************************
Dil-dodağın əsər həyacanından,
Qapıdan-bacadan tuta bilməzsən.
O acı xəbəri aldığın andan,
Özün qəhərini uda bilməzsən.
 
Titrəyər ürəyin tər yarpaq kimi,
Dizlərin sözünə hakim kəsilməz.
Rəngin də ağarar ağ varaq kimi,
Bircə söz deyərsən..Yox ola bilməz.
 
Bir ölüm xəbəri sarsıdar səni,
Bu insan həm doğman,həm yadın olar.
“Sevmirəm” söyləyib qəlbən sevdiyin,
Ölən “sevmədiyin”o qadın olar.
 
Baxıb telfonuna onu anarsan.
Telfonda məktubu qalaq-qalaqdı.
Bir də son kəlməsin xatırlayarsan..
Deyir yarım məndən niyə uzaqdı.
 
Pesmanlıq buruyər dörd bir yanını.
Mən niyə sevgimi deyə bilmədim.
Son məktub tapıbdı öz ünvanını .
Yazır ki mən niyə heç sevilmədim.
 
Bir nalə çəkərsən lap için-için.
Nə fayda ..çox gecdi pesmanlıq üçün.
Nədənsə ölümü yada salmırıq
Ölümdə yaranıb insanlıq üçün.
Gəldiyim tək gedərəm
…………………………….
 
Susuzluqdan çat vermiş,qurumuş dodağına.
Bir bulağın suyu tək incə-incə süzülləm.
Mənsizlikdən darıxan həsrətli baxışına,
Dolub yaz yağışı tək yanağına düzülləm.
 
Mənə ünvanladığın sevgi şeirlərində..
Məhəbbətdən libas tək ,lap boyuna biçilləm.
Mənsizlikdən qaldırıb vurduğun qədəhində ,
Sevgi adlı şərbət tək udum-udum içilləm.
 
Bəzən demək istəyib,söyləyə bilmədiyin.
Hər kəlmən sözün olub mirvari tək tokülləm.
Ürəyində istəyib səsləyə bilmədiyin
Gizlin arzuların tək ürəyinə bükülləm.
 
Bir axşam yeli kimi toxunsan yanağıma,
Sənli xöşbəxtliyimlə mən hamıdan seçilləm.
Bir az da utanaram yanağımdaki izdən,
On dörd günlük ay kimi buludlara çəkilləm.
 
Cavab verə bilməsəm sevginə ürəyincə,
Gəlləm yuxularına lap hamıdan gizlincə.
Qaranlıq otağını işıga qərq edərəm.
Səhər açılan kim gəldiyim tək gedərəm.
 

 

Qadir Allah, budur səndən diləyim.
****************************************
Qadir Allah, budur səndən diləyim,
Məni sevdiyimin gözlərinə yaz.
Əksim gözlərində qoy əks olunsun,
Deyilən ən şirin sözlərinə yaz.

Yaz.. desin sözümün kəsəri sənsən,
Sənsiz həyatımın mənası yoxdur.
Desin həyatımın əsəri sənsən,
Sənsiz ürəyimin parası yoxdur.

Qadir Allah, budur səndən diləyim,
Məni sevdiyimin ürəyinə yaz.
Sənsiz döyunməyir desin ürəyim,
Onun qəlb evinin dirəyinə yaz.

Yaz… desin tək sənsən aldığım nəfəs,
Yaz ki, ilk kəlməsi qoy tək mən olum.
Qoy qibtə eyləsin sevgimə hər kəs,
Yaz ki,ömrüm boyu belə şən olum.

Qadir Allah, budur səndən diləyim,
Məni sevdiyimin dünyasına yaz.
Məni düşünərək səhəri açsın,
Axşamlar ən şirin röyasına yaz.

Avazım xoş olsun,səsim xoş olsun,
Bu sevgi ömrümə nur tək toxunsun.
Sevgimə şeirlər nəğmələr yazım,
Sevgi nəğmələrim şür tək oxunsun.

Qadir Allah, budur səndən diləyim,
Məni sevdiyimin qədərinə yaz.
Xöşbəxtəm söyləyib ,sevinim gülüm,
Aləmə səs salım qoy avaz-avaz.

Arzu Muzəffər Qizi Nuri.

Share: