PSJ və Argentina milli futbol komandasının hücumçusu Lionel Messi BBC-nin “ilin idman ulduzu” mükafatını qazanıb.
Bu mükafat “il ərzində dünya səhnəsində ən diqqətəlayiq idman uğuru əldə etmiş” idmançıya verilir.
35 yaşlı argentinalı 1960-cı ildən təqdim edilən mükafatı alan beşinci futbolçudur.
Messi karyerasında ilk dəfə bu mükafatı qazanıb.
Xatırladaq ki, Messi 2022-ci ildə Qətərdə baş tutan dünya çempionatında qalib gələn Argentina millisinin hücumçusu və kapitanı idi. Dünya çempionatı zamanı yeddi qol vuran forvard finalın və bütün turnirin ən yaxşı oyunçusu adını qazanıb.
