ABŞ-da Bermud adalarına “Earl” qasırğası yaxınlaşır.
Bildirildiyinə görə, ABŞ-ın şərq sahillərinə doğru hərəkət edən qasırğa “həyat üçün təhlükəli” ola bilər.
2022-ci il Atlantik qasırğası mövsümündə ikinci olan “Earl” qasırğasının güclənməyə davam edəcəyi deyilir. 111-129 mil/saat sürətinə çatacağı və dağıdıcı 3-cü kateqoriya üzrə “böyük qasırğa”ya çevriləcəyi vurğulanır.
ABŞ Milli Qasırğa Mərkəzi (NHC) “Earl” mərkəzinin Bermudun cənub-şərqindən keçəcəyini proqnozlaşdırır.
““Earl”ın yaratdığı dalğalar Bermud adaları yaxınlığında formalaşır və ABŞ-ın şərq sahillərinə çatacaq. Bu dalğaların həftə sonu həyati təhlükəsi ola biləcəyi ehtimal edilir”, – deyə mərkəzin məlumatında qeyd edilib.
Mənbə: News.sky.com
