May ayında Böyük Britaniyada Avropanın ən böyük musiqi müsabiqəsi olan Avroviziya baş tutacaq.
Olay.az yazır ki, Azərbaycanı təmsil edən TuralTuranX qrupunun “Tell me more” mahnısı isə yarışmanın rəsmi “Youtube” səhifəsində yüksək baxış sayı toplaya bilməyib. Sözügedən klipi 643 min insan izləyib.
Bundan əlavə, bukmeykerlərin Azərbaycanla bağlı proqnozları da ürəkaçan deyil. Əvvəl 15-ci sırada qərarlaşan təmsilçimizin ifası 15 pillə geriləyib və 30-cu pillədə öz yerini tutub.
Həmçinin proqnozlara əsasən, əkiz qardaşlar finala keçməyəcək. Birinci yarımfinalda yer alacaq qardaşlar sıralamada 15 ölkə arasında 14-cüdür. Nəzərə alsaq ki, finala 10 ölkə seçiləcək və bunun üçün bizim şansımız çox azdır.
