Çinin 900 ildən çox yaşı olan ən uzun taxta körpüsü Vanyan yanğın nəticəsində tamamilə dağılıb.
Obyekt Fujian əyalətinin şərqindəki Pinqnan bölgəsində yerləşir.
Yanğın ötən gecə başlayıb.
Hazırda, yanğın tam söndürülüb. Hadisə nəticəsində tələfat olmayıb.
Yanğının başvermə səbəbləri araşdırılır.
Qeyd edək ki, ümumi uzunluğu 98,2 m, eni 4,7 m olan körpü 917 il əvvəl Sonq sülaləsi dövründə (960-1279) tikilib. Körpü 1742-ci ildə yanğından zədələnib və təmir olunub. Çinin ən uzun taxta tağlı körpüsü 2006-cı ildə ölkə səviyyəsində qorunan ərazilər siyahısına daxil edilib.
Mənbə: TASS
