Hamilə qadınlar iynəsiz mezoterapiya, masaj, pressoterapiya, floatinq və s. prosedurları edə bilərlər.
Bu barədə Rusiyanın tanınmış mama-ginekoloqu Olqa Terexina məlumat verib.
Onun sözlərinə görə, qadın hamilə qaldıqda baş verən hormonal dəyişikliklərə görə dəri dəyişə bilər.
“Buna görə də, ilk trimestrdə belə, qulluq prosedurları, dəri təmizləmə və inyeksiyasız mezoterapiya edə bilərsiniz. Onlar dərinin keyfiyyətini yaxşılaşdırır, yağlı parıltıdan və qara nöqtələrdən qurtulmağa kömək edir”, – deyə o izah edib.
Həkim xatırladıb ki, hamilələr adətən şişlikdən, bədən ağrılarından ağrıdan, əzələ tonusunun azalmasından əziyyət çəkirlər.
“Belə şəraitdə pressoterapiya, aparatla masaj, endosfer terapiyası kömək edəcək. Ancaq qarın və bel nahiyəsində prosedurlar aparmaq olmaz; Yalnız qollar və ayaqlar, çiyin qurşağı üçün prosedurlar həyata keçirmək olar”, – deyə ginekoloq xəbərdarlıq edib.
Terexina hamiləliyin yarımçıq qalma riski olmadığı təqdirdə massaja da icazə verildiyini bildirib. Onun sözlərinə görə, bunu bütün dövlərdə, dərman olmadan ağrıları rahatlaşdırmaq və aradan qaldırmaq üçün edilə bilər.
“Klassik masaj onurğa sütununa yükü azaldır, qol və ayaqların limfatik drenaj masajı isə şişkinliyi aradan qaldırır, ayaqlarda ağırlıq hissini götürür”, – deyə həkim bildirib.
Ginekoloq əlavə edib ki, ürək-damar sistemindən əks göstəriş yoxdursa, floatinq faydalı olacaq.
“Bunu hamiləlik boyu etmək olar. Onurğada stressi azaldır, təzyiqi normallaşdırır və sakitləşdirir. Ancaq bütün prosedurlar həkimlə razılaşdırılmalıdır. Hər bir qadının hamiləliyi fərdi olduğu üçün mütləq həkimə müraciət etmək lazımdır”, – deyə həkim xəbərdarlıq edib.
