Azərbaycan Premyer Liqasında 2023/24 mövsümünə start verilib.
Oxu.Az xəbər verir ki, açılış oyununda “Araz-Naxçıvan” “Turan Tovuz”u qəbul edib.
Mərdəkandakı “Dalğa Arena”da keçirilən matç qonaqların qələbəsi ilə başa çatıb – 3:0.
Qolları 53 və 87-ci dəqiqələrdə Martin Petkov və 67-ci dəqiqədə Otto Con vurublar.
Hər üç qolda naxçıvanlıların qapıçısı Semir Bukviç kobud səhvə yol verib.
21:36
Azərbaycan Premyer Liqasında 2023/2024 mövsümünün ilk qolu vurulub.
Oxu.Az-ın məlumatına görə, “siftə”ni “Araz-Naxçıvan”la “Turan Tovuz” arasında keçirilən açılış oyununda qonaq komanda edib.
Görüşün 53-cü dəqiqəsində Martin Petkov fərqlənib. Bolqarıstanlı hücumçu ilk qolun müəllifi olmaqla komandasını hesabda önə keçirib – 1:0.
Qeyd edək ki, I turun ilk qarşılaşması “Dalğa Arena”da keçirilir.
