Quba-Xaçmaz yolunda baş verən zəncirvari qəza nəticəsində iki nəfər ölüb.
“Report”un Şimal bürosunun məlumatına görə, hadisə Quba-Xaçmaz avtomobil yolunun Alekseyevka kəndindən keçən hissəsində qeydə alınıb.
Belə ki, “Mercedes-Bens”, VAZ-2106 və “Chevrolet Niva” markalı avtomobillərin toqquşması nəticəsində Zamiq Namiq oğlu İsmayılov və Sərhəd Yəhya oğlu Məmmədov ölüblər.
Elçin Mehrəli oğlu Həmzəliyev isə müxtəlif dərəcəli bədən xəsarətləri alıb.
Faktla bağlı araşdırma aparılır.
23:27
Sentyabrın 10-u axşam saatlarında Quba rayonunun Alekseyevka kəndi ərazisində “Mercedes-Benz”, VAZ-2107 və “Niva” markalı avtomobillərin iştirakı ilə yol-nəqliyyat hadisəsi baş verib.
Daxili İşlər Nazirliyinin (DİN) Mətbuat Xidmətinin Quba regional qrupundan verilən məlumata görə, hadisə nəticəsində 2 nəfər ölüb, 3 nəfər müxtəlif dərəcəli bədən xəsarətləri ilə Rayon Mərkəzi Xəstəxanasına yerləşdirilib.
Faktla bağlı araşdırmalar davam etdirilir.
23:06
Quba rayonunda ölümlə nəticələnən yol-nəqliyyat hadisəsi baş verib.
APA xəbər verir ki, hadisə Quba-Xaçmaz yolunun Alekseyevka kəndi ərazisində qeydə alınıb.
Qəzada üç avtomobil toqquşub. Hadisədən sonra avtomobillərdən biri alışıb.
İlkin məlumata görə, iki nəfər dünyasını dəyişib.
Faktla bağlı araşdırmalar davam etdirilir.
