İranda repressiv qüvvələr 21 yaşlı gəncin ailəsini övladlarının meyitini gecə dəfn etməyə məcbur ediblər.
Bu barədə “Azad İran” “Telegram” kanalında məlumat verilib.
Bildirilib ki, İranın Sənəndəc şəhərindən olan Humən Abdullahi adlı 21 yaşlı gənc hökumət qüvvələrinin açdığı birbaşa atəş nəticəsində həlak olub.
Bu gün səhər saatlarında dəfn olunacağı gözlənilən gəncin ailəsinə hökumət qüvvələri təzyiq göstərərək meyiti gecə basdırmağa məcbur ediblər. Buna səbəb isə şəhər camaatının yığışmasının qarşısını almaq olub.
