Şimali Koreya ilk dəfə olaraq özünün ilk bərk yanacaqlı qitələrarası “Hvason-18” (“Hwasong-18”) ballistik raketini buraxıb.
Bu barədə Koreya Mərkəzi Xəbər Agentliyi məlumat yayıb.
Buraxılış aprelin 13-də həyata keçirilib. Sınaqlara Şimali Koreya lideri Kim Çen In rəhbərlik edib.
Sınaqların qonşu ölkələrin təhlükəsizliyinə mənfi təsir göstərmədiyi bildirilib.
Agentlikdən vurğulanıb ki, yeni qitələrarası ballistik raket ölkənin nüvə əks-hücumuna hazırlığını əhəmiyyətli dərəcədə təkmilləşdirəcək.
Qeyd edək ki, buraxılış Şimali Koreya lideri Kim Çen Inın ABŞ-nin təlimlərinə cavab olaraq nüvə genişlənməsi ilə hədələməsindən bir neçə gün sonra baş verib.
Mənbə: RBK
