Bu gün Milli Məclisin plenar iclasında Keşikçidağ tarixi mədəniyyət abidəsi ilə bağlı müzakirə açılıb.
Müstəqil.Az xəbər verir ki, bu barədə danışan millət vəkili Qənirə Paşayeva Azərbaycanın Gürcüstanla münasibətlərə həmişə həssas yanaşdığını deyib.
“Ancaq ərazi bütövlüyü daha əzizdir. Həmin abidə də hər zaman Azərbaycana məxsus olub, ərazimizdə yerləşib. İnsanlarımız da həmin abidəyə Keşikçidağ tarixi mədəniyyət abidəsi deməlidir, David Qareci kilsəsi deyil”, – deyə o əlavə edib.
Millət vəkili Nəsib Məhməliyev də Keşikçidağla bağlı səslənən iddiaları qəbuledilməz sayıb:
“Biz gəlmə, köçəri xalq deyilik. Bu torpaqların əzəli və qanuni sahibləriyik. Eyni zamanda, bu polemikalar səngiməli, komissiyalar intensiv fəaliyyət göstərməlidir”.
